ما بقاتش عندي الرغبة نناقش شي مربع الرأس ولا شي أسنمة البخت فبحال هاد المسائل التي تعد أصلا في الإنسان السوي، وما عداها هو الخارج عن الطبيعة البشرية، لكن ونزولا عند رغبة راسي غادي نكتب شي بركة لعلها تجد قلوبا مفتوحة تتشربها. للذين يكرهون الفكر الوهابي بلا متقرا هادشي. للذين يكرهون الفكر القطبي والسروري بلا ما تقرا هادشي. حيت غادي يضرك راسك شوية. على بركة الله نبدأ. أولا الحمد لله والصلاة والسلام على رسول الله وعلى آله وصحبة ومن والاه.... ثم أما بعد بغيت نبدا بقضية التبعية العمياء في القول والعمل. مثلا قريت فالتعاليق وحدة قالت أن هذا مد وهابي خرب المجتمع!! إلى سولتك شنو هو المد الوهابي أحلف غير حانت مغتعطيني جواب، فعلاش بنادم غير جيب يا فم وقول والله عاطيك نعمة السمع والبصر والفؤاد!!! ثانيا لقيت تعليق فيه أن الصلاح ماشي فاللباس بل في الأخلاق والقيم.... أسمع اااا الشرف الإيمان ما وقر في القلب وصدقه العمل.... هاديك لي كتمشي عريانة فالزنقة ما تجيش تقولي راه مؤمنة حيت نفس المنطق غيقولك السكايري وقاطع الطريق والشفار والبزناز مؤمن وهنا غتكون حطيتي راسك في مواقف بااايخة على لسان عادل إمام أغزاه الله. نرجعو للحجاب الشرعي واش هو مد وهابي بصح (ختي لي قالت مد وهابي نتمنى متكونيش وصلتي لهنا قبل ما تعرفي المد الوهابي😁 لا بغيتي زعما) ولا هو دين أنزله الله من فوق سبع سماوات؟ الجواب ساااااهل هل أنت مسلم؟ الجواب طبعا غيكون عند الجميع نعم. هل أنت مؤمن؟ الجواب غيكون مختلف كاين لي غيقول اه وكاين لي غيقول شوية وكاين لي ما عارف والو... أركان الإسلام معروفة وأركان الإيمان ستة الأمور، ومن بينها الإيمان بالكتب السماوية لي من بينها القرآن!! القرآن اه واش أنت ولا أنتِ مؤمنة بالقرآن؟ الجواه طبعا اه. إوا أجي معايا نخرجلك من الفكر الوهابي فريضة اللباس الشرعي لي هو الحجاب 🙃. فتح سورة النور وقرا معايا... بادية ب سورة أنزلناها وفرضناها! شنو معنيت هذا؟ هاد السورة فرض الجواب نعم ولكن باقي القرآن؟ طبعا القرآن كله فرض لقول الله تعالى "إن الذي فرض عليك القرآن لرادك إلى معاد" مااازياااان وعلاش الله قال سورة أنزلناها وفرضناها؟ حيت أمولاي هاد السورة كلها أحكام ومهمة بحال شي أسئلة امتحان وكيقولك الأستاذ داك السؤال حط عليه 100 سطر!! تالهنا مزيان؟ خود الآية الكريمة 31 من سورة النور... بلا ما تعذب راسك ها هي كلها وتأملها وأجي نكملو كلامنا "وَقُل لِّلْمُؤْمِنَٰتِ يَغْضُضْنَ مِنْ أَبْصَٰرِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ ءَابَآئِهِنَّ أَوْ ءَابَآءِ بُعُولَتِهِنَّ أَوْ أَبْنَآئِهِنَّ أَوْ أَبْنَآءِ بُعُولَتِهِنَّ أَوْ إِخْوَٰنِهِنَّ أَوْ بَنِىٓ إِخْوَٰنِهِنَّ أَوْ بَنِىٓ أَخَوَٰتِهِنَّ أَوْ نِسَآئِهِنَّ أَوْ مَا مَلَكَتْ أَيْمَٰنُهُنَّ أَوِ ٱلتَّٰبِعِينَ غَيْرِ أُو۟لِى ٱلْإِرْبَةِ مِنَ ٱلرِّجَالِ أَوِ ٱلطِّفْلِ ٱلَّذِينَ لَمْ يَظْهَرُوا۟ عَلَىٰ عَوْرَٰتِ ٱلنِّسَآءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ ۚ وَتُوبُوٓا۟ إِلَى ٱللَّهِ جَمِيعًا أَيُّهَ ٱلْمُؤْمِنُونَ لَعَلَّكُمْ تُفْلِحُونَ" خذ غيييير كلمة خمرهن بووووحدها وأجي نفصلوها شوية اش كتعني الخمار جايا من كلمة خمر 😄 اه والله الى بصح الشْراب اه هاااداك والخمر معنا غطاء العقل في معاجم اللغة... الى سولتك العقل فين كاين شنو جوابك؟ اه؟ اممممم فالراس مزياااان إذا الخمار هو غطاء اش؟ الرا الرا اغير كمل ما تخافش... الراس هااااا مااازيان إذا الخمار هو غطاء الراس؟ اه دابا عندي طلب واحد رجع قرا الآية من الأول وشوف شنو فيها ولا ما فهمتيش نعاود نشرح لخويا ولا لختي... واش غندير تبلينا بالتبيان ما كنبغيوش نخبيو داكشي لي تعلمنا 🙂 من باب لا يؤمن أحدكم حتى يحب لأخيه ما يحبه لنفسه.... وشكرا تعليقي فواحد المجموعة وخا السوفل ما كاينش لقيت راسي طولت واااع ندرجوه حتى هو فـ #خواطر_بصري 🙂